انزل يامصرى علشان انت مصرى

احنا زيك ونازلين عشانك لا هنروح عند قسم شرطة ولاعند سجن ولا هنحرق حاجة ولا فى ناس هاتيجى من غزة تفتح لنا السجون علشان تخرجنا ولا عندنا فلوس ندفعلك تمن الاتوبيس اللى هايجيبك ويروحك ولا نقدر ندفع لك 100 جنيه تمن وجبة وكارت شحن موبايل
معادنا كلنا 30\6

1- سواق والاسعار بقت نار ومش عارف تدفع الاقساط انزل 30\6 الثورةهتعيد جدولة الديون حسب دخلك
2- سواق واسعار قطع الغيار بقت نار ومش عارف تصلح العربية انزل 30\6 الثورة هتحلها مع الغرفة التجارية للمستوردين اللى بيتحكموا فى الاسعار
3- سواق ومش عارف تعيش علشان شغال يوم والتانى عطلان علشان بتدور على بنزين انزل 30\6
4- سواق ومش لاقى تاكل والجاى على قد اللى رايح بسببب الاسعار بقت نار انزل 30\6
5- موظف حكومة غلبان وبتخاف ربنا ومابتمدش ايدك للحرام ومرتبك مش مكفى مصاريف البيت علشان الاسعار بقت نار انزل 30\6
6- موظف حكومة غلبان ومش عارف تتعالج والتأمين مش نافع انزل 30\6
7- موظف حكومة غلبان و مصاريف المدارس قاطمة وسطك ولا سلف نافع ولا جمعية نافعة وقربت تبيع هدومك انزل 30\6
8- موظف فى شركة والكل بيبيع ويشترى فيك ومش حكومة تجيب لك حقك انزل 30\6
9- موظف فى شركة واللى بتقبضه مش مكفى مصاريف البيت والنا س زادت والاسعار زادت وانتا زى ما انتا وقربت تشحت انزل 30\6
10- موظف شركة ومفيش تأمينات ليك ولا علاج وخايف صاحب اشركة يمشيك لو طالبت بحقوقك والحكومة زى قلتها انزل 30\6
11- موظ ف غلبان فى المدارس والمدرسين مظبطة نفسها دروس وزاد مرتبهم 50% وعلشان كده عاجبهم الاخوان وانتا زى ما انتا شايل الطين ومحدش معبرك ولا عاملك لازمة انزل 30\6 عرفهم انتا مين
12- دكتور ومش عارف تعيش ولاطايل كادر ولا مرتبك بيزيد انزل 30\6
13- دكتور وضحكوا عليك ولا عملوا كادر ولا يحزنون وطلعوا زى اللى قبلهم كدابين انزل 30\6
14- نقاش والشغل مفيش والحالة ناشفة وقربت تشحت وش قادر تقيم عينك قدام الجماعة والعيال علشان مفيش انزل 30\6
15- سباك والحالة ضنك والسوق واقف وبشتكى زى النقاش انزل 30\6
16- صنايعى شاطر وحالك واقف وبتشتغل شغل اتنين صنايعية وقابل علشان تكفى بيتك وبرضوا مش قادر انزل 30\6
17- خلصت دراسة فى الجامعة وخلصت جيش ومش لاقى شغل بمؤهلك وشغال اى حاجة وبرضوا مفيش فايدة انزل 30\6
18- خلصت دراسة فى الجامعة وخلصت جيش ومش عارف تتجوز والجاى على قد اللى رايح بالعافية جايب مصاريفك انزل 30\6
19- صاحب ورشة وبتشيل شغل بالخسارة علشان فى ناس مسؤولة منك وبتسأل ربنا اول كل شهر علشان تدفع الايجاروالكهربا وخلافه وجايبين عليك ضرايب قاطمة وسطك انزل 30\6
20- ساكن فى الترب مع الميتين ومش لاقى سكن بقالك 20 و30 سنة مستنى شقة المحافظة اللى قالوا عليها من ايام السادات ولحد دلوقتى ماجتش انزل 30\6
21- عندك بنت مخطوبة والجوازة هاتتفشكل علشان مش عارف تجهزها ونسايبك سخوا وشك انزل 30\6
22- فلاح ومش لاقى سماد وتقاوى فى الجمعية وبتشترى من السوق السودة الطاق تلاتة علشان سماد وتقاوى الحكومة بتتسلك من برة برة للمحاسيب انزل 30\6
23- فلاح ومش لاقى مية والزرعة ماتت فى الارض وبنك التسليف هايحجز على الارض يا اما تدخل السجن انزل 30\6
24- فلاح ومش لاقى جاز لمكنة المية وبتشترى الجركن بــ 50 جنيه انزل 30\6
25- بتدفع فى انبوبة البوتجاز زيادة علشان توصلك انزل 30\ 6
26- بتشترى العيش بنص جنيه وبربع جنيه الرغيف علشان مراتك وعيالك مايتبهدلوش على الفرن ام شلن كل يوم انزل 30\6
27- بتدفع نص مرتبك ايجار شقة انزل 30\6
28- ساكن فى اوضة والحمام شرك او فى عشة وعيشتك زفت انزل 30\6

احنا زيك ونازلين عشانك لا هنروح عند قسم شرطة ولاعند سجن ولا هنحرق حاجة ولا فى ناس هاتيجى من غزة تفتح لنا السجون علشان تخرجنا ولا عندنا فلوس ندفعلك تمن الاتوبيس اللى هايجيبك ويروحك ولا نقدر ندفع لك 100 جنيه تمن وجبة وكارت شحن موبايل
معادنا كلنا 30\6