هذا المقال منقول نصا <<<< تنويه<<<<
عن تفريعة قناة السويس
لمن يريد أن يفهم حجم ونوعية الإنجاز الذى حققته مصر (منقول بتصرف) وأتمنى -والله- أن نقرأه بدون خلفيات سياسية مسبقة... فقط من أجل مصر... وفقط من أجل أبنائنا... وفقط من أجل عقولنا
.
بدون مقدمات هذا تقييمي لـ"مشروع قناة السويس الجديدة"...حاولت أن أكتبه بأسلوب بسيط لا يهين العالم ويحترم من ليس له خبرة عن الموضوع.
وبالمناسبة:كل نقطة مكتوبة موثقة بمصدر له رقم..والمصادر في نهاية الموضوع
خلينا نبدأ بالحقائق وناخد الموضوع واحدة واحدة:
· قناة السويس الأصلية:هي ايه بالضبط؟
هي ممر مائي اصطناعي بين البحرالأحمر والمتوسط .طولها 193 كم (1) في النص منها تقريبا فيمجموعة بحيرات أهمها "البحيرات المرة" (خللي بالك من الأرقام فلها دلالات مهمة في هذا الموضوع)
· هل قناة السويس الموجودة النهارده نفس اللي اتحفرت من أكتر من 100 سنة؟
لأ. قناة السويس فيها ناحيتين تطوروا بشدة
1) عرض القناة: اعتبر القناة زي طريق سفر مختصر.. موقعه ممتاز بس في مشكلة أنه مش عريض كفاية ومينفعش ياخد عربيتين "سفينتين" جنب بعض.. يعني مينفعش سفينة طالعة من السويس تتقابل في النص مع سفينة رايحة السويس في أي مكان في القناة..مش هيعرفوا يعدوا..والطريق هيتقفل smile emoticon
طب ايه الحل؟
أول حل: انك تنظم مواعيد للسفن بحيث أنه ميحصلش التصادم ده..بس ده معناه أنك تعدي سفينة في الاتجاه ده وتستنى لما توصل خالص وتبدأ تعدي سفينة من الاتجاه التاني وهكذا...
المشكلة هنا أن وقت الانتظار وعملية التنظيم هتبقى مريعة! فتم اللجوء لنظام "القوافل"..
نظام القوافل معناه باختصار أنك تجمع كل مجموعة سفن رايحة في اتجاه مع بعض..ويبقى في معاد ثابت لتحرك القافلة (بالضبط كأن السفن ركاب في أتوبيس سوبرجيت بيتحرك في معاده سواء في راكب واحد أو مليان)
الحل التاني والمنطقي: أنك توسع القناة..وده اللي ابتدينا فيه من سنة 1955..أننا نعمل "تفريعات"..كل تفريعةكأنها "شارع" جانبي موازي للقناة "الشارع الرئيسي"..بكده في المنطقة اللي فيها التفريعة أصبح ممكن تنظم أن في سفن ماشية في الاتجاهين في نفس الوقت.(واحدة في الشارع الرئيسي "القناة" وواحدة في الشارع الموازي"التفريعة")
عملنا كام تفريعة؟ (مش لازم تحفظ..بس خد نظرة على الأطوال وسنين الحفر..وبعدين كمل)
6 تفريعات اجمالي طولهم 80.5 كم وهم(3):
*تفريعة البلاح: حوالي 9 كم وقد تم حفرها عام 1955
*تفريعة البحيرات: حوالي 12 كم وقد تم حفرها عام 1955
* تفريعة كبريت: حوالي 7 كم وقد تم حفرها عام 1955
* تفريعة التمساح: حوالي 4 كم وقد تم حفرها عام 1980
* تفريعة الدفرسوار: حوالي 8.5كم وقد تم حفرها عام 1980
*تفريعة بورسعيد: حوالي 40 كم وقد تم حفرها عام 1980
بناء على ده..وصلنا لوضع القناةالحالي: أنه يمر عندنا يوميا 3 قوافل: واحدة بتتحرك من البحر الأحمر باتجاه البجر المتوسط "تسمى قافلة الشمال" و اتنين بيتحركوا من البحر المتوسط للبحر الأحمر "تسمى قافلة الجنوب"(1)..
قافلة الشمال بتتحرك من غير توقف.ليه؟ لأنها غالبا جاية من الخليج محملة بغاز أو بترول..فلأسباب تتعلق بالسلامة..ممنوع أنها تقف في القناة.
قافلة الجنوب تتحرك وخط سيرها مرتب بحيث أنها متقابلش قافلة الشمال. ازاي؟ يا تكون ماشية في تفريعة "الشارع الجانبي الموازي" يا تكون وصلت منطقة البحيرات الواسعة وركنت لحد ما قافلة الشمال تعدي.
حاليا زمن مرور السفن بقناة السويس من 12 إلى 16 ساعة (2)
2) تاني تطوير حصل في القناة: عمقها: كل ما زاد حجم السفينة ازداد احتياجها لغاطس أعمق (الغاطس هو الجزء تحت المياه من السفينة).. وبالتالي تحتاج مجرى مائي أعمق.. القناة بدأت بعمق 8م يسمح بمرور سفينة الغاطس بتاعها 22 قدم..وده كان مناسب سنة 1896..من 1956 الى 2010 زاد عمق القناة الى 24م وأصبحت تسمح بمرور سفن بغاطس 66قدم (1)(2) (خلي المعلومة دي في دماغك هنحتاجها قريب)
متنساش كل ده أنا باتكلم على حاجات موجوده فعلا عشان نفهم الأول الوضع الحالي ولسه مقربتش ناحية المشروع الجديد..
ندخل على المهم
· ايه المشروع الجديدبالضبط؟
أنا مش مهتم بكمية الرمل الناس اتشالت وكام كراكة اشتغلت وده كله ..هذه الأرقام تعنى فى على ادارة المشروعات حاجتين لازم يتقاسوا مع بعض علشان نعرف نحكم على الموضوع... الحاجة الأولانية اسمها SPI (Schedule Performance Index).. وتتعلق بمؤشر كفاءة الوقت... والحاجة التانية اسمها CPI (Cost Performance Index) ... وتتعلق بمؤشر كفاءة الإنفاق... وحسب المعلومات المتاحة عن أى مشروع نقدر نعرف قيمة هذين المعدلين... وبناءً عليه نقدر نقول المشروع ده ناجح واللا غير ناجح
.
المهم ماذا تم حفره؟ ماهو المشروع الذي ينفذ؟
المشروع بالنص من لسان الفريق مهاب مميش(6) "قناة جديدة موازية بطول يبلغ 35 كيلومتراً،بالإضافة لتوسيع وتعميق تفريعات البحيرات المرة والبلاح بطول 37 كيلو"(6)..
.
وده هيؤدي لايه؟
برضه بنص كلام الفريق مميش"تحقيق أكبر نسبه من الأزدواجية فى قناة السويس وزيادتها لنسبة 50 % من طول المجرى الملاحى، "(5)
يعني مبدئياً اللي يقولك إن القناة هتبقى اتجاهين ورايح راجع... بيخدعك... حسب كلام الفريق مميش: بعد المشروع ده هنوصل 50%.!
بالبلدي كده احنا بنعمل شارع موازي تاني لجزء من القناة –سميه تفريعة سميه قناة موازية سميه زى ما تسميه- ..هو في الآخر شارع مائي طوله"35 كم" يضاف للشوارع الـ 80.5 كم الموجودين.. وبنعمل حاجة كمان: إننا بنحسن في 37 كم من هذه الشوارع الجانبية "التفريعات" الموجودة فعلاً..... بنعمل ايه؟ بنزيد عمقها عشان تبقى في عمق القناة "الشارع" الرئيسي. (ال35 وال37دول هما ال72 كم اللي بتسمع عنهم اليومين دول)
· طب المشروع ده بنعمله عشان يفيد في ايه؟
نفضل برضه مع نص كلام الفريق مميش" زيادة القدرة الاستيعابية لمرور السفن فى القناة لتكون 97 سفينة قياسية عام 2023 بدلاً من 49 سفينة قياسية عام 2014"(5)
· والعائد؟
" تتوقع الحكومة المصرية زيادة عائدات قناة السويس بنسبة 259% بالتدرج حتى عام 2023 ليكون 13.226 ملياردولار مقارنة بالعائد الحالي 5.3 مليار دولار"(4)
كده أنا عرضت الحقائق كما جاءت على لسان أصحابها... وجاء دوري إني أسأل وأناقش..
خلينا الأول نتفق إن في عاملين مهمين لاتخاذ قرار توسعة أي ممر (سواء كان شارع في مدينة أو قناة في بحر): الطاقة الاستيعابية... وحجم الحركة المتوقعة.
الطاقة الاستيعابية للقناة يعني عدد السفن اللي ممكن تعدي فيها يومياً..زي عرض الشارع حارتين ولا 3 حارات... ودي حاجة في ايدك تزودها: بالتفريعات مثلا.
أما حجم الحركة المتوقعة: فده عامل مالكش سيطرة عليه..مرتبط بحجم التجارة العالمية..التجارة نشطت..يبقى في سفن هتتحرك أكتر وتعدي أكتر..التجارة ركدت..عدد السفن هتقل.
الاتنين لازم يكونوا مرتبطين ببعض..يعني مش منطق مثلا أن يبقى عندك شارع 3 حارات مابتعديش فيه الا عربيتين كل نص ساعة وتقول أنا هازود حارة كمان! محدش مستفيد.
تعال نبص على الطاقة الاستيعابية للقناة:
مش هنسمع لأي مغرض..هنسمع لـرئيس هيئة القناة في 2005 في الأهرام "الفريق" أحمد علي فاضل ردا على سؤال لماذا لا تهتم الهيئة بزيادة نسب ازدواج المرور؟ "ان الازدواج لايخضع للشعارات أو العواطف، بل تفرضه الضرورات في التوقيت المناسب وتفرضه الحقائق علي الأرض والماء...-الخ-...ففي الأساس لابد من الدراسة والتأكد من الجدوي الاقتصادية لعمل الازدواج...-الخ-...ولكنه يظل من العبث أن أقوم بزيادة مساحات الازدواج دون التأكد من العائد الذي أجنيه من وراء ضرورات هذاالازدواج...-الخ-..وبالحديث عن الازدواج في الوقت الحالي, فإن الرأي الفني والبحثي يقول إنه غير مجد, خاصة أن المرور في القناة يغطي جميع أنواع السفن بجميع أحجامها لمدة 100 سنة قادمة, باستثناء شريحة قليلة من سفن الصب وبعض سفن البترول"(12)
ده كلام الرجل الذي شغل منصب رئيس هيئة قناة السويس لمدة 16 سنة (1) بيقول صراحة أنه لا حاجة لأي توسعة إضافية لأن القناة بوضعها الحالي كفاية لـ100سنة قادمة..طب هافترض أنه بيبالغ كعادة المصريين... زودها شويتين؟ تلاته؟ أربعه؟ نقول زودها خمس مرات..يبقى بنتكلم أن القناة كفاية لـ 20سنة على الأقل... يعني لـ 2025 على الأقل!.
· يمكن الراجل ده قديم والدنيا اتغيرت من 2005؟؟
في 2011 هنلاقي تصريح مشابه للمهندس وائل قدور عضو مجلس إدارة هيئة قناة السويس السابق قال فيه –نصاً- .."السعةالاستيعابية لقناة السويس تصل إلى 98 سفينة يومياً، بينما متوسط عدد السفن اليومى الذى يعبر القناة هو 49 سفينة عام 2009" (11)
· مش جايز دول ناس مش دقيقة فى تقديراتهم؟؟؟
اممم.... جايز برضه smile emoticon . بس تفضل مشكلة صغيرة: أن الموقع الرسمي لهيئة قناة السويس بيقول في صفحة "سؤال وجواب" "ما هو الحد الأقصى لعبور القناة يومياً؟ 81 سفينة"(13)!!
يعني ايه الكلام ده كله؟؟ يعني القناة تتحمل (بوضعها الحالى قبل التوسعة) إنها تعدي على الأقل 81 سفينة يومياً.... بس اللي بيعدي فعلاً 50 بس.
يبقى أنا بازود تفريعة جديدة أو قناة جديدة ليه؟؟؟؟
يمكن عشان كمان كام سنة عدد السفن اللي بتعبر هتزيد..فلازم من دلوقتي نكون جاهزين؟
وجهة نظر..عشان نناقشها محتاجين نبص على حجم الحركة المتوقعة في القناة
تقارير 2012 (14) تتوقع أن يزيد حجم التجارة العالمي الى 2020 بنسبة 50% عن 2012. بافتراض متفائل جداً هنعتبر أن الزيادة دي هتؤدي لزيادة عدد السفن التي تمر في القناة بنفس النسبة..يبقى في 2020 عدد السفن هتزيد حوالي 25 سفينة يوميا فهتزيد من 50 لـ 75..
يعني هيبقى عندي في 2020 75سفينة عايزة تعدي وأنا أصلا أقدر حاليا أعدي 81!
يبقى السؤال: احنا دفعنا 60مليارعشان ايه؟؟؟؟
بالبلدي كده..أنت عندك ممر"شارع" بياخد 98 أو 81 سفينة يوميا ..وبيعدي فيه 50 أو 75 بس وعايز تقنعني أنك لما تزود عرض الشارع هتعدي فيه سفن أكتر فهنكسب أكتر؟؟ وهتكسب 260 % زيادة؟؟ ازاي؟؟
· مش يمكن في سفن مبتعديش عشان وقت الانتظار طويل..ولو قللناه يزيد الاقبال على القناة؟
لأ مش ممكن! ببساطة لأن انتظار السفينة حتى 18 ساعة –كما هو الوضع الحالي- أفضل لها بكثير من الطريق البديل"اللي هو رأس الرجاء الصالح وده تقريبا بياخد حوالي 15 يوم"يعني أضعاف أضعاف ال18ساعة. فأنت مش مضطر أبدا –على الأقل في هذه المرحلة- أنك تصرف جنيه واحد عشان تقلل وقت الانتظار 7 ساعات (التقليل من 18ساعة ل 11 ساعة حسب كلام الفريق مميش(6))
نوصل كده لنقطة العائد..
· المسؤولين عن المشروع بيقولوا أن زيادة الايراد ستصل في 2023 الى 259%.
أنك تقول أن إضافة 35كم لطريق 80كم هترفع الايراد 3أضعاف ..فهذا كلام من النظرة الأولى وبدون أي حسابات ينطبق عليه كلام الست شويكار "لا يسدكه عكل"!
ولو الكلام ده فيه نسبة 1% من الصحة لوجب اعدام كل الرؤساء والمسؤلين اللي ليهم أي علاقة بقناة السويس طوال ال60سنة اللي فاتت حرقا لأنهم ضيعوا على البلد المليارات المتلتلة دي!
لكن لو أنت من اللي بيتنشقوا على خبر حلو ونفسك تصدق وشايفني دلوقتي الانسان الحاقد هادم اللذات..فخلينا نكمل:) :
1) اللي يطلع رقم زيادة259 %..(شوف الدقة! مش 250 ولا 260) ده المفترض أنه حاسب حسبة متخرش المية وطبيعي يعلنها ويتباهى بيها ويخرس الحاقدين أمثالي بها –خصوصا أن الإيرادات مفيهاش حاجة سرية ولا تتعلق بأمن قومي ولا غيره- ..هل يوجد أي شخص لديه أي معلومة عن هذه الدراسة؟ لا أعتقد
2) حد يعرف زيادة الإيرادات هتكون كام في 2017؟ طب في 2016؟ طب الشهور الباقية من 2015؟
طبيعي جدا إن الزيادة مش هتحصل مرة واحدة في 2023..ماهو مافيش حدث كوني ولا معجزة هتحصل في 2023 فهتزيد الإيرادات فجأة!! لوقسمنا الزيادة ال 259% على ال 8سنين (المدة من دلوقت ل2023) فالزيادة تقريبا 32% كل سنة!..هل يوجد مسؤول أو ربع مسؤول واحد اعلن كده أو ممكن يأكد الأرقام دي أو يدي أي أرقام أخرى؟؟ لأ. لأنه مش هيحصل وهما عارفين ده كويس..فبيكلمك على 2023..استنى بأه ل2023 عشان نتحاسب..ده اللي هيبقى فيكم عايش..وفاكر!
وبعدين لو الأرقام دي متحققتش..مين اللي هيتحاسب؟
· اذا ما العائد المتوقع فعلا؟
· هناك زيادة طبيعية تحدث كل سنة. بالاضافة لذلك ربما يكون من المنطقي أنك تزود الرسوم مقابل تقليل وقت الرحلة.
· لو حسبناها اعتمادا على توقعات حجم التجارة العالمي-اللي اتكلمنا عليه من شوية- عدد السفن هتزيد "في 2020" حوالي 25 سفينة يوميا من 50 لـ 75 (وده هيزود دخل القناة..حوالي 2.5 مليار –لو بنفس الرسوم..ولو اعتبرنا زيادات الرسوم قول 3.5 مليار!) بس بالمناسبة أفكرك تاني أن زيادة عدد السفن ملهاش علاقة بالمشروع الجديد لأن القناة بوضعها الأصلي تقدر تستحمل الـ75 سفينة!
مهم جدا أننا مننساش ال 60 مليار جنيه وفوايدهم الـ12% !
أنت كحكومة استلفت 60 مليارجنيه..بفايدة 12% لمدة 5 سنين يعني 60%..يعني خلال 5 سنين أنت مضطر تسدد ال60مليار ومعاهم 36 مليار فوايد! دول يعملوا حوالي 2.5 مليار دولار سنويا لمدة 5 سنين! يعني فعليا دخل قناة السويس هيقل تقريبا النص لمدة 5 سنين! ( طبعا في نقطة لازم نوضحها هنا: إنك ملزم تسدد الـ 36 مليار الفوايد خلال الـ 5 سنين بمعدل 7.2مليار في السنة..أما الـ60 مليار الأصليين فآخر الـ5 سنين مرة واحدة..وده طبعاً مبلغ مستحيل تدفعه من سنة واحدة..طبعاً ده بافتراض إن في نية أكيدة للسداد)
عارف..كل ده مش مزعلني!
ولامزعلني عمل مشروع مش مدروس اقتصاديا بالمرة لتقليل وقت الانتظار بدل من أن تستفيد من وقت انتظار السفن وتجعله مصدر دخل لك
ولا مزعلني أن يتم عمل هذا المشروع وتجاهل مشروع تنمية محور قناة السويس اللي كل الناس كانت بتنادى بيه (وهو للأمانة فكرة معروفة ومطروحة من زمان ولكن لم تكن تجد إرادة سياسية لتنفيذه إلا ربما الحديث عنه بجدية من حكومة د.هشام قنديل)..مشروع تنمية المحور لا يتكلم عن توسعة قناة أو عمل تفريعات بل يتكلم عن تحويل الممر الملاحى إلى مركز أعمال عالمى متكامل يعتمد على خدمات النقل البحرى من إصلاح سفن، وتموين بالوقود، وخدمات القطر والإنقاذ، ودهان، ونظافة السفن، وخدمات شحن وتفريغ، بالإضافة إلى مجمعات صناعية جديدة، ومجمعات للتعبئة والتغليف، ومراكز لوجيستية، وموانئ محورية على مدخلى القناة...الخ(10)
ولا مزعلني طريقة إدارة المشروع اللي بتوري مصيبة أن يدير رجال عسكريون بلا خبرة اقتصادية ولا إدارية مشاريع مثل هذه فضلاً عن ادارة بلد! (الفريق مميش قال نصاً في حوار مع المصري اليوم: "عندما طلب الرئيس أن تكون مدة تنفيذ المشروع 12 شهراً فقط كان ردى «ينفذ يا فندم» لأن هذا أمر القائد الأعلى للقوات المسلحة، وأنا رجل عسكرى ولابد من الالتزام بأمر القائد مهما كلفنا "
طب هيكلفنا الأمر ده ايه ؟ "التكلفة ستصل إلى أكثر من60 مليار جنيه، وذلك بعد أن أمر الرئيس السيسى بتقليل المدة الزمنية من 3 سنوات إلى سنة واحدة فقط، مما يجعلنا نزيد من حجم العمالة والمعدات والشركات العاملة في المشروع" (6) !!!!ا
ايه المشكلة يعني كام مليار زيادة عشان نخلص بدري! مع إن البدري ده ملوش أي لازمة ولا عائد زيادة!!! بس إيه..ده أمرعسكري!! وده برضه فى علم إدارة المشروعات اسمه Change Request وله أصول وحسابات لعمل حاجة اسمها Crashing أو Fast Tracking
بعد اللى قريناه ده (لو حد لسه بيقرا) نقدر نحدد ان كان الإنجاز اللى حصل ده يستحق هذا الفرح والاحتفالات الضخمة واللا لأ... مش عشان بأكره الفرح.. بس بأكره الخداع والتضليل
.
المشكلة أن حجم فرحتك وحجم ما تعتبره انتصاراً يتناسب مع حجمك وقيمتك ورؤيتك لنفسك ...مثلاً في الكورة في فريق زي الأهلي لا يعتبر إنه انتصر ولا يحتفل إلا اذا أخذ البطولة... وفريق آخر يعتبر بقاءه في الدوري انجازاً... وفريق يعتبر تسجيله هدف في مباراة خسرها 7_1 انجازاً... ورؤيتى لمصر العظيمة ذات الماضى العريق والإمكانيات البشرية الهائلة أنها تستحق إنجازاً أكبر بكتير لتفرح به فرحة تتناسب معه ومعها
احنا وصل بنا الحال أن ندعو الزعماء ونقيم الاحتفالات –اللي محدش برضه هيتحاسب على تكلفتها- ونرفع شعارات "بنغير خريطة العالم" و"هدية مصر للعالم"...الخ عشان توسعة قناة؟؟عشان 35كم؟؟ مع أن نفس الحاجة عملنا زيها وأكبر منها من أكتر من عشرين سنة بدون أي احتفال؟؟
للدرجة دي صغرنا؟
** ملحوظة... وللأمانة.. هناك مصادر أخرى ذكرت أن تكلفة توسعة القناة 30مليار وال30 الأخرى ل6أنفاق "يعتزم انشاؤها" ورغم أنني اعتمدت هنا على كلام الفريق مهاب مميش في حوار واحد "وليس كلام مقتطع من أكثر من حوار" وصف فيه المشروع أنه "القناة" الجديدة فقط وحدد أن التكلفة أكثر من 60 مليار (المصدر رقم 6 لمن يحب الاطلاع)...الا أنه وجب النقل بأمانة أستطيع أن أقول بكل صدق أننى أفتقدها فى "كل" مصادرنا الإعلامية!
عموما بعد وصولك إلى هذا السطر... تستطيع أن تكون رأيك الذى أنت حر فيه تماماً... ولكن اللى ماحدش حر فيه انه يدينا معلومة غير حقيقية ويصورهالنا على انها الحقيقة المطلقة... وان كل من يقول بغيرها خائن وعميل
.
ألا هل بلغت؟؟؟ اللهم فاشهد
المصادر
(1) https://ar.wikipedia.org/…/%D9%82%D9%86%D8%A7%D8%A9_%D8%A7%…
(2) http://www.aljazeera.net/…/%d9%85%d8%b5%d8%b1-%d8%aa%d8%af%…
(3) http://www.sis.gov.eg/…/Templates/Articles/tmpArticles.aspx…
(4) http://www.skynewsarabia.com/…/%D9%82%D9%86%D8%A7%D8%A9-%D8…
(5) http://www.el-balad.com/1089187
(6) http://www.almasryalyoum.com/news/details/496881
(7) https://www.facebook.com/jawda.org/posts/882817068455174
(8) http://arabic.sputniknews.com/news/20150725/1015083508.html
(9) http://www.inter-review.com/magazine-show-805-ar.html
(10) http://www.sabahelkher.com/…/%D9%82%D9%86%D8%A7%D8%A9-%D8%A…
(11) http://www.almasryalyoum.com/news/details/52185
(12) http://www.ahram.org.eg/Archive/2005/1/11/INVE1.HTM
(13) http://www.suezcanal.gov.eg/faq.aspx
(14) http://archive.aawsat.com/details.asp…
· قناة السويس الأصلية:هي ايه بالضبط؟
هي ممر مائي اصطناعي بين البحرالأحمر والمتوسط .طولها 193 كم (1) في النص منها تقريبا فيمجموعة بحيرات أهمها "البحيرات المرة" (خللي بالك من الأرقام فلها دلالات مهمة في هذا الموضوع)
· هل قناة السويس الموجودة النهارده نفس اللي اتحفرت من أكتر من 100 سنة؟
لأ. قناة السويس فيها ناحيتين تطوروا بشدة
1) عرض القناة: اعتبر القناة زي طريق سفر مختصر.. موقعه ممتاز بس في مشكلة أنه مش عريض كفاية ومينفعش ياخد عربيتين "سفينتين" جنب بعض.. يعني مينفعش سفينة طالعة من السويس تتقابل في النص مع سفينة رايحة السويس في أي مكان في القناة..مش هيعرفوا يعدوا..والطريق هيتقفل smile emoticon
طب ايه الحل؟
أول حل: انك تنظم مواعيد للسفن بحيث أنه ميحصلش التصادم ده..بس ده معناه أنك تعدي سفينة في الاتجاه ده وتستنى لما توصل خالص وتبدأ تعدي سفينة من الاتجاه التاني وهكذا...
المشكلة هنا أن وقت الانتظار وعملية التنظيم هتبقى مريعة! فتم اللجوء لنظام "القوافل"..
نظام القوافل معناه باختصار أنك تجمع كل مجموعة سفن رايحة في اتجاه مع بعض..ويبقى في معاد ثابت لتحرك القافلة (بالضبط كأن السفن ركاب في أتوبيس سوبرجيت بيتحرك في معاده سواء في راكب واحد أو مليان)
الحل التاني والمنطقي: أنك توسع القناة..وده اللي ابتدينا فيه من سنة 1955..أننا نعمل "تفريعات"..كل تفريعةكأنها "شارع" جانبي موازي للقناة "الشارع الرئيسي"..بكده في المنطقة اللي فيها التفريعة أصبح ممكن تنظم أن في سفن ماشية في الاتجاهين في نفس الوقت.(واحدة في الشارع الرئيسي "القناة" وواحدة في الشارع الموازي"التفريعة")
عملنا كام تفريعة؟ (مش لازم تحفظ..بس خد نظرة على الأطوال وسنين الحفر..وبعدين كمل)
6 تفريعات اجمالي طولهم 80.5 كم وهم(3):
*تفريعة البلاح: حوالي 9 كم وقد تم حفرها عام 1955
*تفريعة البحيرات: حوالي 12 كم وقد تم حفرها عام 1955
* تفريعة كبريت: حوالي 7 كم وقد تم حفرها عام 1955
* تفريعة التمساح: حوالي 4 كم وقد تم حفرها عام 1980
* تفريعة الدفرسوار: حوالي 8.5كم وقد تم حفرها عام 1980
*تفريعة بورسعيد: حوالي 40 كم وقد تم حفرها عام 1980
بناء على ده..وصلنا لوضع القناةالحالي: أنه يمر عندنا يوميا 3 قوافل: واحدة بتتحرك من البحر الأحمر باتجاه البجر المتوسط "تسمى قافلة الشمال" و اتنين بيتحركوا من البحر المتوسط للبحر الأحمر "تسمى قافلة الجنوب"(1)..
قافلة الشمال بتتحرك من غير توقف.ليه؟ لأنها غالبا جاية من الخليج محملة بغاز أو بترول..فلأسباب تتعلق بالسلامة..ممنوع أنها تقف في القناة.
قافلة الجنوب تتحرك وخط سيرها مرتب بحيث أنها متقابلش قافلة الشمال. ازاي؟ يا تكون ماشية في تفريعة "الشارع الجانبي الموازي" يا تكون وصلت منطقة البحيرات الواسعة وركنت لحد ما قافلة الشمال تعدي.
حاليا زمن مرور السفن بقناة السويس من 12 إلى 16 ساعة (2)
2) تاني تطوير حصل في القناة: عمقها: كل ما زاد حجم السفينة ازداد احتياجها لغاطس أعمق (الغاطس هو الجزء تحت المياه من السفينة).. وبالتالي تحتاج مجرى مائي أعمق.. القناة بدأت بعمق 8م يسمح بمرور سفينة الغاطس بتاعها 22 قدم..وده كان مناسب سنة 1896..من 1956 الى 2010 زاد عمق القناة الى 24م وأصبحت تسمح بمرور سفن بغاطس 66قدم (1)(2) (خلي المعلومة دي في دماغك هنحتاجها قريب)
متنساش كل ده أنا باتكلم على حاجات موجوده فعلا عشان نفهم الأول الوضع الحالي ولسه مقربتش ناحية المشروع الجديد..
ندخل على المهم
· ايه المشروع الجديدبالضبط؟
أنا مش مهتم بكمية الرمل الناس اتشالت وكام كراكة اشتغلت وده كله ..هذه الأرقام تعنى فى على ادارة المشروعات حاجتين لازم يتقاسوا مع بعض علشان نعرف نحكم على الموضوع... الحاجة الأولانية اسمها SPI (Schedule Performance Index).. وتتعلق بمؤشر كفاءة الوقت... والحاجة التانية اسمها CPI (Cost Performance Index) ... وتتعلق بمؤشر كفاءة الإنفاق... وحسب المعلومات المتاحة عن أى مشروع نقدر نعرف قيمة هذين المعدلين... وبناءً عليه نقدر نقول المشروع ده ناجح واللا غير ناجح
.
المهم ماذا تم حفره؟ ماهو المشروع الذي ينفذ؟
المشروع بالنص من لسان الفريق مهاب مميش(6) "قناة جديدة موازية بطول يبلغ 35 كيلومتراً،بالإضافة لتوسيع وتعميق تفريعات البحيرات المرة والبلاح بطول 37 كيلو"(6)..
.
وده هيؤدي لايه؟
برضه بنص كلام الفريق مميش"تحقيق أكبر نسبه من الأزدواجية فى قناة السويس وزيادتها لنسبة 50 % من طول المجرى الملاحى، "(5)
يعني مبدئياً اللي يقولك إن القناة هتبقى اتجاهين ورايح راجع... بيخدعك... حسب كلام الفريق مميش: بعد المشروع ده هنوصل 50%.!
بالبلدي كده احنا بنعمل شارع موازي تاني لجزء من القناة –سميه تفريعة سميه قناة موازية سميه زى ما تسميه- ..هو في الآخر شارع مائي طوله"35 كم" يضاف للشوارع الـ 80.5 كم الموجودين.. وبنعمل حاجة كمان: إننا بنحسن في 37 كم من هذه الشوارع الجانبية "التفريعات" الموجودة فعلاً..... بنعمل ايه؟ بنزيد عمقها عشان تبقى في عمق القناة "الشارع" الرئيسي. (ال35 وال37دول هما ال72 كم اللي بتسمع عنهم اليومين دول)
· طب المشروع ده بنعمله عشان يفيد في ايه؟
نفضل برضه مع نص كلام الفريق مميش" زيادة القدرة الاستيعابية لمرور السفن فى القناة لتكون 97 سفينة قياسية عام 2023 بدلاً من 49 سفينة قياسية عام 2014"(5)
· والعائد؟
" تتوقع الحكومة المصرية زيادة عائدات قناة السويس بنسبة 259% بالتدرج حتى عام 2023 ليكون 13.226 ملياردولار مقارنة بالعائد الحالي 5.3 مليار دولار"(4)
كده أنا عرضت الحقائق كما جاءت على لسان أصحابها... وجاء دوري إني أسأل وأناقش..
خلينا الأول نتفق إن في عاملين مهمين لاتخاذ قرار توسعة أي ممر (سواء كان شارع في مدينة أو قناة في بحر): الطاقة الاستيعابية... وحجم الحركة المتوقعة.
الطاقة الاستيعابية للقناة يعني عدد السفن اللي ممكن تعدي فيها يومياً..زي عرض الشارع حارتين ولا 3 حارات... ودي حاجة في ايدك تزودها: بالتفريعات مثلا.
أما حجم الحركة المتوقعة: فده عامل مالكش سيطرة عليه..مرتبط بحجم التجارة العالمية..التجارة نشطت..يبقى في سفن هتتحرك أكتر وتعدي أكتر..التجارة ركدت..عدد السفن هتقل.
الاتنين لازم يكونوا مرتبطين ببعض..يعني مش منطق مثلا أن يبقى عندك شارع 3 حارات مابتعديش فيه الا عربيتين كل نص ساعة وتقول أنا هازود حارة كمان! محدش مستفيد.
تعال نبص على الطاقة الاستيعابية للقناة:
مش هنسمع لأي مغرض..هنسمع لـرئيس هيئة القناة في 2005 في الأهرام "الفريق" أحمد علي فاضل ردا على سؤال لماذا لا تهتم الهيئة بزيادة نسب ازدواج المرور؟ "ان الازدواج لايخضع للشعارات أو العواطف، بل تفرضه الضرورات في التوقيت المناسب وتفرضه الحقائق علي الأرض والماء...-الخ-...ففي الأساس لابد من الدراسة والتأكد من الجدوي الاقتصادية لعمل الازدواج...-الخ-...ولكنه يظل من العبث أن أقوم بزيادة مساحات الازدواج دون التأكد من العائد الذي أجنيه من وراء ضرورات هذاالازدواج...-الخ-..وبالحديث عن الازدواج في الوقت الحالي, فإن الرأي الفني والبحثي يقول إنه غير مجد, خاصة أن المرور في القناة يغطي جميع أنواع السفن بجميع أحجامها لمدة 100 سنة قادمة, باستثناء شريحة قليلة من سفن الصب وبعض سفن البترول"(12)
ده كلام الرجل الذي شغل منصب رئيس هيئة قناة السويس لمدة 16 سنة (1) بيقول صراحة أنه لا حاجة لأي توسعة إضافية لأن القناة بوضعها الحالي كفاية لـ100سنة قادمة..طب هافترض أنه بيبالغ كعادة المصريين... زودها شويتين؟ تلاته؟ أربعه؟ نقول زودها خمس مرات..يبقى بنتكلم أن القناة كفاية لـ 20سنة على الأقل... يعني لـ 2025 على الأقل!.
· يمكن الراجل ده قديم والدنيا اتغيرت من 2005؟؟
في 2011 هنلاقي تصريح مشابه للمهندس وائل قدور عضو مجلس إدارة هيئة قناة السويس السابق قال فيه –نصاً- .."السعةالاستيعابية لقناة السويس تصل إلى 98 سفينة يومياً، بينما متوسط عدد السفن اليومى الذى يعبر القناة هو 49 سفينة عام 2009" (11)
· مش جايز دول ناس مش دقيقة فى تقديراتهم؟؟؟
اممم.... جايز برضه smile emoticon . بس تفضل مشكلة صغيرة: أن الموقع الرسمي لهيئة قناة السويس بيقول في صفحة "سؤال وجواب" "ما هو الحد الأقصى لعبور القناة يومياً؟ 81 سفينة"(13)!!
يعني ايه الكلام ده كله؟؟ يعني القناة تتحمل (بوضعها الحالى قبل التوسعة) إنها تعدي على الأقل 81 سفينة يومياً.... بس اللي بيعدي فعلاً 50 بس.
يبقى أنا بازود تفريعة جديدة أو قناة جديدة ليه؟؟؟؟
يمكن عشان كمان كام سنة عدد السفن اللي بتعبر هتزيد..فلازم من دلوقتي نكون جاهزين؟
وجهة نظر..عشان نناقشها محتاجين نبص على حجم الحركة المتوقعة في القناة
تقارير 2012 (14) تتوقع أن يزيد حجم التجارة العالمي الى 2020 بنسبة 50% عن 2012. بافتراض متفائل جداً هنعتبر أن الزيادة دي هتؤدي لزيادة عدد السفن التي تمر في القناة بنفس النسبة..يبقى في 2020 عدد السفن هتزيد حوالي 25 سفينة يوميا فهتزيد من 50 لـ 75..
يعني هيبقى عندي في 2020 75سفينة عايزة تعدي وأنا أصلا أقدر حاليا أعدي 81!
يبقى السؤال: احنا دفعنا 60مليارعشان ايه؟؟؟؟
بالبلدي كده..أنت عندك ممر"شارع" بياخد 98 أو 81 سفينة يوميا ..وبيعدي فيه 50 أو 75 بس وعايز تقنعني أنك لما تزود عرض الشارع هتعدي فيه سفن أكتر فهنكسب أكتر؟؟ وهتكسب 260 % زيادة؟؟ ازاي؟؟
· مش يمكن في سفن مبتعديش عشان وقت الانتظار طويل..ولو قللناه يزيد الاقبال على القناة؟
لأ مش ممكن! ببساطة لأن انتظار السفينة حتى 18 ساعة –كما هو الوضع الحالي- أفضل لها بكثير من الطريق البديل"اللي هو رأس الرجاء الصالح وده تقريبا بياخد حوالي 15 يوم"يعني أضعاف أضعاف ال18ساعة. فأنت مش مضطر أبدا –على الأقل في هذه المرحلة- أنك تصرف جنيه واحد عشان تقلل وقت الانتظار 7 ساعات (التقليل من 18ساعة ل 11 ساعة حسب كلام الفريق مميش(6))
نوصل كده لنقطة العائد..
· المسؤولين عن المشروع بيقولوا أن زيادة الايراد ستصل في 2023 الى 259%.
أنك تقول أن إضافة 35كم لطريق 80كم هترفع الايراد 3أضعاف ..فهذا كلام من النظرة الأولى وبدون أي حسابات ينطبق عليه كلام الست شويكار "لا يسدكه عكل"!
ولو الكلام ده فيه نسبة 1% من الصحة لوجب اعدام كل الرؤساء والمسؤلين اللي ليهم أي علاقة بقناة السويس طوال ال60سنة اللي فاتت حرقا لأنهم ضيعوا على البلد المليارات المتلتلة دي!
لكن لو أنت من اللي بيتنشقوا على خبر حلو ونفسك تصدق وشايفني دلوقتي الانسان الحاقد هادم اللذات..فخلينا نكمل:) :
1) اللي يطلع رقم زيادة259 %..(شوف الدقة! مش 250 ولا 260) ده المفترض أنه حاسب حسبة متخرش المية وطبيعي يعلنها ويتباهى بيها ويخرس الحاقدين أمثالي بها –خصوصا أن الإيرادات مفيهاش حاجة سرية ولا تتعلق بأمن قومي ولا غيره- ..هل يوجد أي شخص لديه أي معلومة عن هذه الدراسة؟ لا أعتقد
2) حد يعرف زيادة الإيرادات هتكون كام في 2017؟ طب في 2016؟ طب الشهور الباقية من 2015؟
طبيعي جدا إن الزيادة مش هتحصل مرة واحدة في 2023..ماهو مافيش حدث كوني ولا معجزة هتحصل في 2023 فهتزيد الإيرادات فجأة!! لوقسمنا الزيادة ال 259% على ال 8سنين (المدة من دلوقت ل2023) فالزيادة تقريبا 32% كل سنة!..هل يوجد مسؤول أو ربع مسؤول واحد اعلن كده أو ممكن يأكد الأرقام دي أو يدي أي أرقام أخرى؟؟ لأ. لأنه مش هيحصل وهما عارفين ده كويس..فبيكلمك على 2023..استنى بأه ل2023 عشان نتحاسب..ده اللي هيبقى فيكم عايش..وفاكر!
وبعدين لو الأرقام دي متحققتش..مين اللي هيتحاسب؟
· اذا ما العائد المتوقع فعلا؟
· هناك زيادة طبيعية تحدث كل سنة. بالاضافة لذلك ربما يكون من المنطقي أنك تزود الرسوم مقابل تقليل وقت الرحلة.
· لو حسبناها اعتمادا على توقعات حجم التجارة العالمي-اللي اتكلمنا عليه من شوية- عدد السفن هتزيد "في 2020" حوالي 25 سفينة يوميا من 50 لـ 75 (وده هيزود دخل القناة..حوالي 2.5 مليار –لو بنفس الرسوم..ولو اعتبرنا زيادات الرسوم قول 3.5 مليار!) بس بالمناسبة أفكرك تاني أن زيادة عدد السفن ملهاش علاقة بالمشروع الجديد لأن القناة بوضعها الأصلي تقدر تستحمل الـ75 سفينة!
مهم جدا أننا مننساش ال 60 مليار جنيه وفوايدهم الـ12% !
أنت كحكومة استلفت 60 مليارجنيه..بفايدة 12% لمدة 5 سنين يعني 60%..يعني خلال 5 سنين أنت مضطر تسدد ال60مليار ومعاهم 36 مليار فوايد! دول يعملوا حوالي 2.5 مليار دولار سنويا لمدة 5 سنين! يعني فعليا دخل قناة السويس هيقل تقريبا النص لمدة 5 سنين! ( طبعا في نقطة لازم نوضحها هنا: إنك ملزم تسدد الـ 36 مليار الفوايد خلال الـ 5 سنين بمعدل 7.2مليار في السنة..أما الـ60 مليار الأصليين فآخر الـ5 سنين مرة واحدة..وده طبعاً مبلغ مستحيل تدفعه من سنة واحدة..طبعاً ده بافتراض إن في نية أكيدة للسداد)
عارف..كل ده مش مزعلني!
ولامزعلني عمل مشروع مش مدروس اقتصاديا بالمرة لتقليل وقت الانتظار بدل من أن تستفيد من وقت انتظار السفن وتجعله مصدر دخل لك
ولا مزعلني أن يتم عمل هذا المشروع وتجاهل مشروع تنمية محور قناة السويس اللي كل الناس كانت بتنادى بيه (وهو للأمانة فكرة معروفة ومطروحة من زمان ولكن لم تكن تجد إرادة سياسية لتنفيذه إلا ربما الحديث عنه بجدية من حكومة د.هشام قنديل)..مشروع تنمية المحور لا يتكلم عن توسعة قناة أو عمل تفريعات بل يتكلم عن تحويل الممر الملاحى إلى مركز أعمال عالمى متكامل يعتمد على خدمات النقل البحرى من إصلاح سفن، وتموين بالوقود، وخدمات القطر والإنقاذ، ودهان، ونظافة السفن، وخدمات شحن وتفريغ، بالإضافة إلى مجمعات صناعية جديدة، ومجمعات للتعبئة والتغليف، ومراكز لوجيستية، وموانئ محورية على مدخلى القناة...الخ(10)
ولا مزعلني طريقة إدارة المشروع اللي بتوري مصيبة أن يدير رجال عسكريون بلا خبرة اقتصادية ولا إدارية مشاريع مثل هذه فضلاً عن ادارة بلد! (الفريق مميش قال نصاً في حوار مع المصري اليوم: "عندما طلب الرئيس أن تكون مدة تنفيذ المشروع 12 شهراً فقط كان ردى «ينفذ يا فندم» لأن هذا أمر القائد الأعلى للقوات المسلحة، وأنا رجل عسكرى ولابد من الالتزام بأمر القائد مهما كلفنا "
طب هيكلفنا الأمر ده ايه ؟ "التكلفة ستصل إلى أكثر من60 مليار جنيه، وذلك بعد أن أمر الرئيس السيسى بتقليل المدة الزمنية من 3 سنوات إلى سنة واحدة فقط، مما يجعلنا نزيد من حجم العمالة والمعدات والشركات العاملة في المشروع" (6) !!!!ا
ايه المشكلة يعني كام مليار زيادة عشان نخلص بدري! مع إن البدري ده ملوش أي لازمة ولا عائد زيادة!!! بس إيه..ده أمرعسكري!! وده برضه فى علم إدارة المشروعات اسمه Change Request وله أصول وحسابات لعمل حاجة اسمها Crashing أو Fast Tracking
بعد اللى قريناه ده (لو حد لسه بيقرا) نقدر نحدد ان كان الإنجاز اللى حصل ده يستحق هذا الفرح والاحتفالات الضخمة واللا لأ... مش عشان بأكره الفرح.. بس بأكره الخداع والتضليل
.
المشكلة أن حجم فرحتك وحجم ما تعتبره انتصاراً يتناسب مع حجمك وقيمتك ورؤيتك لنفسك ...مثلاً في الكورة في فريق زي الأهلي لا يعتبر إنه انتصر ولا يحتفل إلا اذا أخذ البطولة... وفريق آخر يعتبر بقاءه في الدوري انجازاً... وفريق يعتبر تسجيله هدف في مباراة خسرها 7_1 انجازاً... ورؤيتى لمصر العظيمة ذات الماضى العريق والإمكانيات البشرية الهائلة أنها تستحق إنجازاً أكبر بكتير لتفرح به فرحة تتناسب معه ومعها
احنا وصل بنا الحال أن ندعو الزعماء ونقيم الاحتفالات –اللي محدش برضه هيتحاسب على تكلفتها- ونرفع شعارات "بنغير خريطة العالم" و"هدية مصر للعالم"...الخ عشان توسعة قناة؟؟عشان 35كم؟؟ مع أن نفس الحاجة عملنا زيها وأكبر منها من أكتر من عشرين سنة بدون أي احتفال؟؟
للدرجة دي صغرنا؟
** ملحوظة... وللأمانة.. هناك مصادر أخرى ذكرت أن تكلفة توسعة القناة 30مليار وال30 الأخرى ل6أنفاق "يعتزم انشاؤها" ورغم أنني اعتمدت هنا على كلام الفريق مهاب مميش في حوار واحد "وليس كلام مقتطع من أكثر من حوار" وصف فيه المشروع أنه "القناة" الجديدة فقط وحدد أن التكلفة أكثر من 60 مليار (المصدر رقم 6 لمن يحب الاطلاع)...الا أنه وجب النقل بأمانة أستطيع أن أقول بكل صدق أننى أفتقدها فى "كل" مصادرنا الإعلامية!
عموما بعد وصولك إلى هذا السطر... تستطيع أن تكون رأيك الذى أنت حر فيه تماماً... ولكن اللى ماحدش حر فيه انه يدينا معلومة غير حقيقية ويصورهالنا على انها الحقيقة المطلقة... وان كل من يقول بغيرها خائن وعميل
.
ألا هل بلغت؟؟؟ اللهم فاشهد
المصادر
(1) https://ar.wikipedia.org/…/%D9%82%D9%86%D8%A7%D8%A9_%D8%A7%…
(2) http://www.aljazeera.net/…/%d9%85%d8%b5%d8%b1-%d8%aa%d8%af%…
(3) http://www.sis.gov.eg/…/Templates/Articles/tmpArticles.aspx…
(4) http://www.skynewsarabia.com/…/%D9%82%D9%86%D8%A7%D8%A9-%D8…
(5) http://www.el-balad.com/1089187
(6) http://www.almasryalyoum.com/news/details/496881
(7) https://www.facebook.com/jawda.org/posts/882817068455174
(8) http://arabic.sputniknews.com/news/20150725/1015083508.html
(9) http://www.inter-review.com/magazine-show-805-ar.html
(10) http://www.sabahelkher.com/…/%D9%82%D9%86%D8%A7%D8%A9-%D8%A…
(11) http://www.almasryalyoum.com/news/details/52185
(12) http://www.ahram.org.eg/Archive/2005/1/11/INVE1.HTM
(13) http://www.suezcanal.gov.eg/faq.aspx
(14) http://archive.aawsat.com/details.asp…
